لوحه دنيتك بيهه العقل رسام
جَربـه يم صحيحه لا تلاونهه
وحذرمن ضحك في وجهه الك كل يوم
ضحكات البشر تخفي معادنهه
وشمسك بالشته مو تختلف بالصيف
واذا هايه الحقيقه يله قارنهه
تلكَه عالأرض صح ناس بس ميتين
واحياء شكثر مدفونه باطنهه
ومثل طبع البحر تلكَاهه كومه اسرار
بس وينه اليفسّر في مكامنهه
عصفور بقفص لا تقبل ايخلوك
واحچيه الصراحه ليش ساجنهه
صاحب صاحبك بس حاسبه كل ساع
واذا منّك زعل ياصحبه ضامنهه
من حَبّك صدگ يندل تره الخدين
لا داعي بعد توصف مفاتنهه
والرادك عمر يتحملك يومين
جنه وبيهه بس رضوان خازنهه
ولاتبيع الصدگ لو مشتري چذاب
طيورك من تحن تذكر مواطنهه
وزرع بس ورد لا تزرع الصفصاف
ياطيّب كَلب خيرك محاسنهه
وكمّل لوحتك حب وحنان وطيب
موناليزه من يكَدر يثـــّمنّهه
موناليزه من يكَدر يثـــّمنّهه
صاحب صاحبـــــــك
أمس في 20:20
عدد المساهمات
عدد النقاط
عدد النجوم
جنسيتي
عملي
هوايتي
مزاجي
برج العضو
العمر
