۩ ألأقســـــام ألادبيـــة ۩

قصيدة للشاعر سمير صبيح
تكلي شعرك ليش اهات ودموع
انته حقك ما شفت خط الشروع
انته ساعة سين تعرفهه اشتلوع
الغايه تعرفهه تعرف الهاونات

شعري فك عينه لكه كباله نطاق
وبندقيه وسفري وحب العراق
حب له وحده والمواعيد التحاق
وجان موعدهم يتم بالعارضات

شعري شاف الموت ما شاف الورود
لا بنفسج لا اغاني لا وعود
الشاف ذوله كباله يكتب عالخدود
الشاف بعيونه التعوق واللي مات

هناك عندي عيون ظلت ما تنام
حته يبقه براحته يطير الحمام
هناك عالساتر عشت قصة غرام
جنت عاشك راجمه من الراجمات

وخلي اسولف لك بعد عن الحصار
والدمار الصار ما مثله دمار
ليل بغداد القصف سواه نهار
ليل بغداد القصف سواه نهار
ويا ترافه تريدهه بشعري التفات

من الصبح لليل اركض عالالف
بس طماطه و خبز ويخللص نتف
ونته مني تريد اكتب عالزف
شلون يثبت بالتراجي الغافيات

ويا علاقه اليوم مابيهه ذنب
والعلاقه الطيبه تنشال بنعش
اشتعتقد سوزان ترتاح الشلش
لو دهش كشاخ وتحبه نجاة

عدنه ليله تبيع بالوكفه دهن
وقيس حمال ويكد بس عالبطن
من اسالت جوليت كالت بالسجن
روميو التعبان بايك تايرات

وخلي اوكف لك دمع عيني اليسيل
عن بثينه توكفه يحجي لك قليل
عدهه ست اطفال
عدهه ست اطفال صاروا من جميل
كلهم ايجدون بالشارع حفاة

رؤؤؤعة

» قصيدة روعة اقرأ وشوف
» اقرأ ويب: منصة للمعرفة والتعلم
» اقرأ المزيد عن تقبيل وصيد الارنب في الحلم
» اقرأ المزيد من الخوف من الوزغ في المنام للمتزوجة
» قصيده معاتب

۩ ألأقســـــام ألادبيـــة ۩

منتدى ألشعر ألشعبي

قصيدة روعة اقرأ وشوف